Oras, lumipas

Sa isang iglap, kinuha ka ng walang paalam. Pumanaw at tanging iniwan ay alaala.

Hindi ko alam kung ano ang dapat kong madama. Iiyak ba o magiging manhid.

Tila napakadali lang talaga ng kahapon. Puno ng lungkot at saya, luha at tawa.

Isa lang bang kahapong ginawa para lamang ikaw ay makapiling?

Sa isang iglap, lumipas ang panahong tayo ay magkasama. Pumanaw at tanging iniwan ay alaala.

Tadhanang napakamapaglaro at napakabangis. Ayaw ko munang harapin ang bawat umagang wala ka;

Sa kadahilanang hinding hindi ko pa kayang tanggapin. Puno ng lungkot at saya, luha at tawa.

Isa lang bang kahapong ginawa para lamang ako ay magdusa?

Sa isang iglap, lumipas ang oras at pagkakataong wala ka. Pumanaw at tanging iniwan ay alaala.

Memorya ko sa iyo ay biglang naging pelikula. Sana batid mo na sa akin ay ikaw ay mahalaga.

Bawat sandali ay pinagsisihan kong hindi ka nayakap. Puno ng lungkot at saya, luha at tawa.

Isa lang bang kahapong ginawa para lamang tayo ay doon muling magkita?

ANYA